Luxury Chef (已結業)

今晚想搵間靜靜地餐廳，一家人食餐飯。早前有朋友介紹呢間，今日終於有機會試。放工時間後，工廠區的食市都會比較靜，呢間亦不例外。今晚叫咗兩個意粉，兩個牛扒，及一客芝士薯條小食。兩個湯好味，白湯菇味濃，紅湯料多湯亦酸味適中，湯的水準喜出望外。兩個意粉做得不錯，條條掛汁，味道亦佳。而扒就一般，略嫌鬆肉粉味濃了點。兩件小小的一口蛋糕朱古力味重，都唔差。 總括而言。意粉水準比較好，一個餐有湯，包，主菜，甜品，茶，只需百幾蚊，又坐得舒服，無時限任坐，而職員的態度又非常有禮，晚市嚟講真係唔錯的地方。