金飯館

營業中

休息中

慕名而來食佢哋個蘭王旦蔥油炸豬扒炒飯，嚟到一望真係有驚喜，先講炒飯和豬扒的份量的確好大，成塊豬扒冚晒隻碟，搞到冇位𢳂飯，以為今次搵到筍嘢，點知炒飯一食落口唔係熱，唔係即炒之餘又冇鑊氣，淨係食到好大浸香料味，好多蔥油驚死你唔夠，蔥油味道偏鹹多油，搞到飯底都好多油，油淋淋好滯口，而且好口渴，食一啖就飲一啖水，豬扒是熱嘅，但係冇乜味總之好淡口，最正常都係隻蘭王蛋，正正常常流心，冇乜特別驚喜，80幾蚊埋單，我諗唔會再有下一次。