茶餐廳2.0 (已結業)

今日收工過左愉景新城買野，咁梗係食埋晚飯先返去啦。諗緊食咩之際，打開個App，見有間食店個名叫「茶餐廳2.0」。咁鬼馬有趣，就一於試下先。去到門口，就見到有奶茶同雞蛋仔賣，但無理由晚餐買個雞蛋仔就算嫁，所以都入左去食。坐低之後，未開始打開本餐牌，就已經俾個石燒A4日本和牛片既外加餐牌吸引左。於是就叫左依個，升級埋野飲做雪糕紅豆冰，再加多個素菜炸物拼盤。黎得最快既當我係飲品啦，紅豆冰個雲呢拿雪糕好香，紅豆都好大粒好甜，唔錯。石燒A4日本和牛片上枱果下好豪華，兩層既和牛片好吸睛，好多人望住囉。和牛片燒完好香好嫩，唯一缺點係快石都凍得幾快，要一次過燒哂先，唔可以慢慢咁食一塊燒一塊。素菜炸物拼盤有南瓜餅，咖哩角同春卷各二。南瓜餅唔錯，咖哩角同春卷就普普通通喇。