茶餐廳2.0 (已結業)

趁疫情穩定加上糧尾，同朋友搵啲平靚正嘅食晚飯，見呢度有鐵板，又有石窩系列，仲有埋雞煲添，所以揀左呢度啦！我叫左美國安格斯肉眼扒，要咗全熟嘅牛扒煙韌度適中，黑椒汁配白飯冇得輸！ 石窩系列紅酒燴牛尾意粉，湯汁係紅卜卜，食落熱辣辣，咁先好食。 牛尾分量非常多，大大件，炆得好腍，汁又濃，送意粉一流。 估唔到茶餐廳都有黑糖珍珠奶茶飲，居然沖到同外面買既味道一樣，沖調比例啱啱好，黑糖同牛奶兩者唔會搶風頭，味道好夾！，將茶餐廳嘅發揮到多元化。總結比其他嘅茶餐廳係較為特出，環境都舒服，野食又大大份，所以性價比都算高 。