影片
更多
2023-08-17
638 瀏覽
我地星期六諗住行下圍方，行到6點幾肚餓，就周圍搵野食，知道呢到有間名古屋過江龍，就諗住試吓啦大概行到7點到就去排隊，已經打緊蛇餅，目測都有四個圈，咁一場嚟到點都試吓啦，再加上7點半關閉排到咁上下，有個侍應叔叔行出來話已經截龍，一日350碗，排到我哋後少少就賣哂，好難唔繼續排，咁侍應叔叔都好好，同我哋講唔好意思要等咁耐，又有茶俾我哋飲，態度真係好好㗎👍🏻👍🏻等咗差唔多個幾鐘，終於可以入得去，落單紙同menu好唔一樣，Menu好多嘢，但落單紙就好多都無既😅咩泡菜烏冬、平烏冬都係無既😥咁我哋就嗌左炸豬扒、蝦天婦羅同埋豚肉烏冬，另外仲叫咗吉列蝦，炸豆腐同埋冷盤凍豆腐小食小食就不過不失，冷盤都幾好食，幾濃豆腐味，炸豆腐熱辣辣👍🏻吉列蝦個皮同天婦羅唔一樣，吉列蝦都唔錯，唔會太厚粉👌🏻四個烏冬我哋分別淨係嗌咗清湯同味噌湯，清湯就梗係冇問題啦，味噌湯亦唔算好咸，不過唔係同個烏冬好夾，無掛汁。至於麵質方面，山本屋主打手打烏冬，可以睇得到烏冬條條大細不一，但食落去就冇滑溜感覺，可能係我唔好彩，我個碗口感亦都唔係幾好，好似啲麵團咁，亦都唔係好熟，完全冇平時食烏冬煙煙韌韌嘅感覺，加上同個味噌湯唔係好夾，難聽啲
大概行到7點到就去排隊，已經打緊蛇餅，目測都有四個圈，咁一場嚟到點都試吓啦，再加上7點半關閉排到咁上下，有個侍應叔叔行出來話已經截龍，一日350碗，排到我哋後少少就賣哂，好難唔繼續排，咁侍應叔叔都好好，同我哋講唔好意思要等咁耐，又有茶俾我哋飲，態度真係好好㗎👍🏻👍🏻
等咗差唔多個幾鐘，終於可以入得去，落單紙同menu好唔一樣，Menu好多嘢，但落單紙就好多都無既😅咩泡菜烏冬、平烏冬都係無既😥
咁我哋就嗌左炸豬扒、蝦天婦羅同埋豚肉烏冬，另外仲叫咗吉列蝦，炸豆腐同埋冷盤凍豆腐小食
小食就不過不失，冷盤都幾好食，幾濃豆腐味，炸豆腐熱辣辣👍🏻吉列蝦個皮同天婦羅唔一樣，吉列蝦都唔錯，唔會太厚粉👌🏻
四個烏冬我哋分別淨係嗌咗清湯同味噌湯，清湯就梗係冇問題啦，味噌湯亦唔算好咸，不過唔係同個烏冬好夾，無掛汁。至於麵質方面，山本屋主打手打烏冬，可以睇得到烏冬條條大細不一，但食落去就冇滑溜感覺，可能係我唔好彩，我個碗口感亦都唔係幾好，好似啲麵團咁，亦都唔係好熟，完全冇平時食烏冬煙煙韌韌嘅感覺，加上同個味噌湯唔係好夾，難聽啲講，丸龜都好食好多，所以我真係好失望🫠再講下啲配料，炸豬扒見到有啲肉質有粉粉地，判斷唔到係唔熟定係肉質係咁，不過食完係冇肚痛，不過就略嫌有少少厚皮，同埋唔係豬扒嘅口感，有少少似肉餅泥嘅口感，而豚肉同天婦羅蝦都冇太大特別，係好正常嘅配料
個人認為真係唔需要排成個鐘隊去食，再加上佢嘅價錢唔係平，如果經過見到冇乜人排都可以試吓既，唯一可取之處係佢嘅侍應叔叔真係好好人，我哋買單俾錢都有問我哋好唔好食，我哋都如實反映咗，叔叔都話下次如果有唔熟既情況，即刻話俾佢哋知，等佢哋再煮多次🤥
題外話，我問咗侍應拎咗個七味粉，但係嚟到個樽未開封，雖然都唔係咩大事，我自己開返封就OK，但我諗佢哋都未完全ready好開張既感覺，不過如果係日本嘅過江龍，我會覺得有少少失望囉🫠
張貼
