影片
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
相關文章
趁週末去咗大圍圍方5樓嘅山本屋，作為名古屋百年烏冬名店嘅香港分店，期待值爆棚！環境走簡約日式風，木系裝潢好舒服，坐低就想慢慢嘆番碗正宗烏冬。今次試咗三道菜：咖喱安格斯牛肉烏冬、蝦天婦羅煮烏冬同燒地雞手羽，真係每款都令人回味！首先講咖喱安格斯牛肉烏冬，湯底係日式咖喱，香濃得來唔會太辣，帶點甜味同濃郁香料，超開胃！安格斯牛肉片軟腍多汁，配上山本屋招牌手打烏冬，條條彈牙，吸晒湯底精華，食到停唔低。蝦天婦羅煮烏冬就係另一種享受，湯底用味噌調製，濃而不膩，半熟蛋同年糕仲添幾分層次。蝦天婦羅外層酥脆，入湯後依然保持口感，蝦肉爽彈，啖啖滿足！燒地雞手羽係意外驚喜，烤得外皮香脆，肉質 juicy，芝麻同醬汁嘅香氣好搶鼻，係完美嘅佐餐小食。不過，價錢真係偏貴少少，$80-$100一碗烏冬，份量雖然夠大，但平民食客可能會覺得略貴。服務方面，店員態度OK，但繁忙時上菜慢咗啲，建議避開高峰期。總括來講，山本屋嘅烏冬質素真心高，特別係咖喱同味噌湯底，絕對係烏冬控必試！下次想再試其他口味，圍方有呢間名古屋過江龍，真係幸福！
繼續閱讀
山本屋👎🏻 前排大排長龍既手切烏冬，本身好期待，但好失望😮💨😮💨😮💨一口食落成陣麵粉，我食上海粗炒好過。我個碗咖哩麵成$118，仲未計加1。烏冬粗幼不一，竟然分別可以咁大個心未透，基本上成碗粗既烏冬都系咁炸豬扒幾好食，個豚肉麻麻。重點呢個價錢食到碗咁既野，湯底同其他配料ok都冇用，招牌既手切烏冬真系非常失敗，食左半都想放棄，唔爽又唔滑，真系一條上海粗炒咁，想同隔離枱講唔好叫手切。
繼續閱讀
這間味噌烏冬店湯底香濃順口，味噌味道層次分明，入口即能感受到深厚的日式風味。烏冬麵條滑溜彈牙，吸滿濃湯精華，每一口都令人滿足。配料選用新鮮食材，如雞蛋，沙律菜爽口，份量十足，誠意十足。店內環境舒適，服務親切，是享受一碗熱騰騰烏冬的理想之地。
繼續閱讀
之前成日經過都見成日有人排隊，今次終於有位，就同朋友試下晚市堂食，點知一次就夠晒數。🪑 環境：坐得辛苦，當晚滿座，一入去就覺得張枱擺得好密，基本上同左右枱冇距離，坐低之後袋都唔知擺邊，食嘢仲要小心翼翼，拎筷子、夾烏冬都怕彈到人，真係好迫好唔舒服。當時仲要拎住一袋兩袋，成個用餐過程都坐得唔自在，唔會再考慮堂食。🍜 食物：賣相ok但唔值 我叫咗五目煮烏冬（味噌湯底），朋友叫咗安格斯牛肉煮烏冬。湯底濃係濃，但鹹到要飲水送，唔係咁易入口。五目配料太少，有啲太孤清。烏冬係粗身嗰種，咬口ok，不過整體嚟講味道冇乜驚喜，仲要呢個價錢，真係唔抵。冇影相，因為太狼狽，當晚實在太迫，加上拎住嘢，又唔舒服，所以冇影相。📍總結：環境太迫，坐得唔舒服，味道又唔特別，配料又唔多，價錢仲偏貴，真係冇乜吸引力。純粹試過一次就算，唔會再返轉頭。
繼續閱讀
第一次食平烏冬居然唔駛排隊太開心啦仲有二人卡位坐牛肉好滑，完全唔硬平烏冬好特別，又係第一次食好QQ選擇唔需要多只要好味就可以了性價比高可以值得一試如果閒日12:00前會好d
繼續閱讀