Aqua

營業中

休息中

難得我同埋太太二人世界慶祝聖誕節，梗係要食餐好㗎啦。於是我就揀咗呢一間餐廳，點知我大懵唔記得咗帶優惠咭，雖然我同接待處講可唔可以憑會員名享受優惠，但點知遭到佢冷淡拒絕，話一定要有實體卡先得..唔緊要啦一年一次聖誕餐…無計。我同太太去到餐廳，佢哋安排坐窗邊位置，個景望晒維港全景，無得彈。講返餸菜，我哋嗌咗兩個signature menu。頭盤係魚肉羹，魚肉加蟹肉嘅口感唔錯，味道清淡，會搶咗其他頭盤嘅味道。四款小食最令我印象心刻係吞拿魚魚子醬同埋海膽飯團。海膽飯團嘅海膽用少少煎香咗嘅蒜蓉撈埋一齊，雖然少咗份海水嘅味道，但係就多咗陣香味。佢size俾食客一啖一口，正！另外吞拿魚配搭魚子醬再加埋上湯啫喱簡直就係完美。生蠔同樣咁出色。另外意大利飯嘅味道辣辣地，好醒胃。主菜我哋嗌咗一個石燒和牛同乳豬仔，表現合理。最後甜品係芝士蛋糕，整體感覺肥而不膩。講返啲服務，我覺得佢哋嘅服務都好好。勘水抹枱、換碗碟都好快手。幫我哋影相仲會幫手打燈。所以今次價錢係有啲貴，但係我覺得性價比算係相當好，值得推介。