影片
更多
2022-09-23
1541 瀏覽
位於港灣道新鴻基中心嘅貊炙MAEK JEOK, 我留意咗佢好耐啦😌 佢裝修得好靚，係我最鍾意嘅木系加上黑色拼血橙色風格，有一種高級嘅氛圍😎 今晚終於去試咗佢哋嘅韓式熟成牛盛宴，成個過程都好享受😌去韓式扒房梗係要飲杯嘢先啦， 由於揸咗車， 我就點咗佢嘅House blend咖啡☕️ 唔算好濃但係好香滑，我朋友就叫咗杯Sweet dream🍸 甜味較重嘅酒，兩杯都好滿意🥰 揸車嘅朋友黎其實好方便，因為新鴻基中心已經有停車場🅿️點咗個House Dry Aged Steak餐， 性價比好高，$680 一位😊 未食過熟成牛肉既我非常期待😆🌟韓式前菜餐廳首先上季節沙律、傳統前菜、生伴泡菜、包飯醬及生菜，最鍾意係佢嘅生伴泡菜，清爽，香辣，好開胃🫶🏻🌟泡菜生蠔捲•醬油盛盒泡菜同生蠔🦪 呢個組合有驚喜🤩 泡菜包住半生熟嘅生蠔同埋清爽嘅蔬菜， 先有泡菜香辣後有蠔嘅獨特香味🫶🏻醬油盛盒有牡丹蝦同埋鮑魚， 鮑魚做得好好，好入味，裏面仲係有好新鮮嘅刺身感覺😎 食鮑魚刺身最忌就係好韌， 呢個口感做得剛剛好🫶🏻 牡丹蝦嘅味道絕對唔比醬油蟹差， 牡丹蝦嘅蝦膏蝦肉同韓式嘅醬油好夾，鮮味爆燈🤩🌟熟成帶骨肉眼650g我都做過
去韓式扒房梗係要飲杯嘢先啦， 由於揸咗車， 我就點咗佢嘅House blend咖啡☕️ 唔算好濃但係好香滑，我朋友就叫咗杯Sweet dream🍸 甜味較重嘅酒，兩杯都好滿意🥰 揸車嘅朋友黎其實好方便，因為新鴻基中心已經有停車場🅿️
點咗個House Dry Aged Steak餐， 性價比好高，$680 一位😊 未食過熟成牛肉既我非常期待😆
🌟韓式前菜
餐廳首先上季節沙律、傳統前菜、生伴泡菜、包飯醬及生菜，最鍾意係佢嘅生伴泡菜，清爽，香辣，好開胃🫶🏻
🌟泡菜生蠔捲•醬油盛盒
泡菜同生蠔🦪 呢個組合有驚喜🤩 泡菜包住半生熟嘅生蠔同埋清爽嘅蔬菜， 先有泡菜香辣後有蠔嘅獨特香味🫶🏻
醬油盛盒有牡丹蝦同埋鮑魚， 鮑魚做得好好，好入味，裏面仲係有好新鮮嘅刺身感覺😎 食鮑魚刺身最忌就係好韌， 呢個口感做得剛剛好🫶🏻 牡丹蝦嘅味道絕對唔比醬油蟹差， 牡丹蝦嘅蝦膏蝦肉同韓式嘅醬油好夾，鮮味爆燈🤩
🌟熟成帶骨肉眼650g
我都做過啲資料搜集， 呢間餐廳用咗乾式熟成， 大約做咗30至45日， 熟成牛成本高嘅原因係熟成過程中有部分嘅肉會耗損，不能食用， 更顯珍貴🫶🏻 餐廳職員奉上牛扒時，真係令我眼前一亮，因為份量好大😍 職員仲幫我哋燒牛扒，整個體驗都好享受😌 配洋蔥豉油， 芥辣或者海鹽都好夾👍 味道方面真係同新鮮嘅牛扒唔同，由於過程中會產生嘅酵素令肉質更加嫩滑， 肉汁濃縮咗， 仲會帶咗啲藍芝士嘅香味，好好味🥰 未試過熟成肉類嘅朋友真係要試🫶🏻
🌟餐後五小碟
第一次食水泡菜，一試愛上🤩 酸酸地嘅凍湯汁配淡味嘅泡菜， 絕對開胃， 解膩之餘仲會增加食慾🫶🏻
🌟主食
我哋揀咗大醬湯同埋熟成肉炸醬麵，熱辣辣嘅大醬湯幾時食都咁正😎 熟成肉炸醬麵係拌麵， 都好好味，雖然好飽但係都食曬😆
🌟甜品
雖然好飽🤰但係都要叫甜品為呢一餐劃上完美句號🥰 我哋叫咗意式經典提拉米蘇， 估唔到韓式餐廳都做得咁好😍 朋友叫咗個特濃芝士蛋糕， 甜度唔算高，質感香濃，賣相又靚又好味😋
餐廳環境真係好好， 服務一流， 我聽到好多枱都係熟客仔， 證明係一間好有質素嘅餐廳👍 走之前都專登影一影佢哋個乾式熟成櫃， 牛肉都有好多唔同嘅部位而且餐廳裏面都有其他熟成嘅肉類，例如鴨胸同豬肉等等。 氣氛好、環境好、味道好、款式又多。 我當日食係全場爆滿，大家記住要試下同預早book位啦🫶🏻
張貼
