八寸酒食 串燒 私房料理 (已結業)

今日為左同女朋友慶祝拍拖三週年，一個月前特登訂定枱去食女朋友最喜歡既魚箐石壽司，但係去到既時候佢地居然話啲魚生無晒，只有三文魚同油甘魚同埋燒物，一位疑似老闆解釋話通常星期五有飛機到，星期五六就會賣晒，星期日無機到通常無魚生等食材，其實呢度刺身作為其中一樣主要食物，無貨點解唔早啲講？早啲講我都可以轉地方，去到先同我講所有刺身都無...真係坐左係度...最後只係食左客帶子漢堡、燒牛舌、茄子同冬菇，個人感覺咁樣做生意唔係咁有誠意，既然食材有固定供應時段就應該要比人知道，人地plan好晒成個月前訂枱，滿心期待去到一句唔好意思就要人地失望，我地唔係咩有錢人家，一年係大時大節先會去食餐好，呢餐我女朋友期待左好耐，估唔到最後會咁失望...食物係唔差，但係坐係吧枱見住幾隻烏蠅仔飛黎飛去有啲唔開胃，店員不停講唔好意思，當佢有禮貌。