無敵家 (已結業)

之前winter時間去過日本，係池袋食過無敵家拉麵，一試番唔到轉頭，之後係香港見到有「無敵家」拉麵店，就帶著好期待既心情去試下啦。事前都有係openrice到睇下食評，而好多都話同日本個間唔同，但我諗唔係一模一樣，都有一半似掛。點知，一試就中哂伏。呢個係佢地個拉麵餐牌啦，一個字，貴。或者咁講，係唔值呢個價。好，到重頭戲，拉麵啦。上菜時，嘩，心諗好「大」碗喎，一定食唔飽。份量講完，到個湯底啦，食拉麵最重要係麵同湯底。湯底淡而無味，無豬骨味，得味精，失敗。唔理佢似唔似日本個間，睇個湯底就知佢無誠意做呢碗拉麵。到麵底，一定係現成牌子既麵，一d 味都無，又掛唔到d 湯，湯已經無乜味架啦。友人仲話佢好似759入面一種即食拉麵。都似架啦其實。到叉燒，份量黎講得兩塊實唔夠食，之後味道有醬汁搭救都叫有d 味。總結黎講，呢間係一間無心做拉麵，沽名釣譽，偷名既店鋪。平時我都好鬆手，但呢次真係忍唔到，一定唔可能助長拉麵界既歪風。