The Joomak (已結業)

就咁睇相好吸引，仲期待晚餐嘅來臨。1）板燒芝士菜盤 - 個鐵板好細，每次只能燒3件， 仲要棵菜都厚，但鐵板又細，真係燒到燶都未食得。 而火只能維持10分鐘左右，換第二次火已經冇心機燒。 而配嘅芝士係冇香濃芝士味。2）羽衣甘藍煎餅 - 冇味嘅😓3）柚子蜜炸韓蔘 - 都有少少蔘味，但炸得唔夠脆，配嘅柚子蜜好杰。4）韓國水梨卷 - 冇味5）烤牛肉 - 好碎，完全唔係一塊塊。係碎濕濕。6）素紫菜飯 - 較為好少少7）嘢飲唔記得全名.....紅醋（2人）， 即沖飲品嘅味道，加了較多水比較淡。服務： 差，帶位不停睇電話，侍應目無表情。另外我哋有張BB櫈，當時朋友帶小朋友離開餐廳一陣，但有位侍應好細聲自言自語講‘e....點解有張BB櫈係到架’ ，但又冇問我哋要唔要就攞走咗。 我哋見差唔多食完就冇特別出聲。