Jam Bakery (已結業)

之前已有姊妹在西施樓的會址中學整蛋榚，但新店開在施弼街後，幫襯了兩三次。開張冇耐，除買件頭餅外，還試了咖啡，餅當然好味，有酒店水準，但咖啡好一般，仍有待改善。最近上司生日，特登早一日訂了招牌蛋糕，mango dome，因為老公話cova單買一件好貴，這裡訂一個5寸的約$180。原先約13人食，估唔到後來20幾人分享，蛋糕雖細，但仍分到一人一小份。嘩! 味道一流，壽星女不知幾開心，因為果餅充滿佢同我都喜愛的吉士，實在令人滿足。店舖是老板娘Anita親自設計，充滿童話式的優雅圖案，加上佢親切的款待，入到去自然會吸引你幫襯。