名代宇奈備長炭燒鰻魚飯專門店 (iSQUARE國際廣場) (已結業)

名代宇奈備長炭燒鰻魚飯專門店呢個名聽左好耐，身為鰻魚飯既擁躉，一路都好想試，今次終於有機會喇！通常門口經過都會見倒排隊，今次去既時候前面就淨係得兩三個人。餐廳裏面枱唔係好多，枱同枱之間都有比較大既空間，坐得非常之舒服！最欣賞每個職員都好細心，反應都好快，見倒我多野仲特登拎張櫈比我擺野，想落單既時候已經即刻預備好，抵讚！食物方面我就淨係叫左個雙層鰻魚飯，朋友就叫三食。三食既味道豐富，啱晒鍾意唔同食法既朋友。至於我既雙層鰻魚飯，起初擔心淨鰻魚飯會唔會太齋，又擔心會唔夠飽，但係免費加飯下都幾飽肚，而鰻魚肉質軟熟，同一般冰鮮既唔同，但係醬汁多啲會更好！一定會再食！