Sahara Mezz Bar (已搬遷) 新店位置

平日最鍾意食異國菜，呢間 Sahara Mezz Bar 係認證清真食品，一間擁有濃厚中東色彩既餐廳。一踏入餐廳，店員好熱情招待我地，仲識講「唔該曬」，好好客，十分之有禮貌。餐廳氣氛浪漫，又有燭光伴餐，好岩情侶黎二人世界。前菜係我最愛既鷹嘴豆泥，配上香濃既羊肉，令人無法抗拒。鷹嘴豆泥同包係天作之合，香濃既小麥、鷹嘴豆同羊肉既味道同時係口腔中盛放，好滿足。而且羊肉完全唔油膩，羊味十足，不錯。沙津包括多款新鮮蔬菜🥬食落口感爽脆，好清新既味道。而最正既一定係芝士，味道香濃誘人，芝士香一直回蕩係口中，久久不散。奶昔有別於一般係餐廳，多左份水果既原汁原味，而且無咁甜，飲得好舒服。主角出場！主角係我最愛既燉羊肉，醬汁濃而不膩，羊肉口感香軟無比，令人忍唔住一口接一口。無論主菜定係配料都好出色，薯仔吸收曬所有精華，味道層次更豐富。最後當然唔少得食飯，米飯既口感相當特別，好似食緊蟹籽咁，配埋微酸既醬汁，開胃到唔洗一陣已經食曬成碗飯，非常幸福既中東菜體驗。