烏蠅館 (新都城中心二期) (已結業)

今日趁天氣轉涼，再次黎到新都城既烏蠅館食佢地招牌既烤魚，有一排無食，估唔到佢地個menu已經轉左，今次就可以試下新野。招牌香辣海鱸魚(小辣) $298一開始叫小辣擔心會太辣食唔到，不過一開始果時覺得都唔算好辣。不過食食下個辣味會越黎越出，所以呢個都要番意。香辣湯底口味香濃十分惹味，配上好多種唔同既香料，辣得好爽。海鱸魚非常新鮮，又唔多細骨，食落啖啖肉，肉質厚實有鮮味。除左魚冷外，烤魚本身都會跟幾款配料，例如木耳，蘿蔔同菇等等，每種都十分吸味。萵筍 $28萵筍十分鮮甜，我地比較鐘意煮得入味，所以煮到淋哂，等佢可以吸收湯底既精華土豆片 $28土豆片同萵筍一樣，最緊要都係可以索到汁，不過唔好煮太耐，好易會溶哂唔見左。鵝腸 $98鵝腸十分乾淨，口感Q彈帶有韌勁，但係唔會有異味，十分好食。炸魚皮 $38炸得好香脆，淥幾秒就可以保留到佢既口感。桂花蜂蜜 $18食辣野緊係要飲返啲蜂蜜滋潤下個喉嚨，桂花蜂蜜唔係好甜，帶帶微微蜜香，解辣一流。