唐記包點 (已結業)

呢排天氣仲係落雨所以都懶得系出邊食、經過朋友屋企就見到有唐記包點，以前不嬲有買開佢嘅外賣。我鍾意呢度嘅牛肉球真係啖啖肉而且性價比高。啲燒賣好大粒，上面會有粒杞子都幾特別。三個人食都覺得飽晒，尤其是佢每一樣野都好大份。另外重點左其他例如包，鳳爪，牛肚，雞扎。啲牛肚唔會太硬，而且醬汁咁多。鳳爪嘅份量好多，就算外賣都直情同出邊飲茶嘅味道一樣。店員都好細心咁將同類型嘅食物放喺同一個盒。另外呢度嘅雞扎我覺得勁正因為入邊舊雞超大夠，而且夠晒滑。同埋我最鍾意嘅芋頭糕非常軟棉。另外都掂左叉燒包同菜肉包一樣大個又抵食。整體上唐記真係抵食呢度咁多都係啱啱$100就夠找數