嵐居酒屋 (已結業)

我甚少到福來村尋食的, 無心插柳下, 居然發現到有一間裝修好新凈好骨子的日本餐廳, 座位唔多, 亦好寬敞, 可上充足光線, 令人感覺好舒服.呢度刺身入口至加拿大, 挪威, 而且仲係高檔次刺身, 質素同口感一食就分得出. 三文魚刺身好厚身, 非常新鮮, 又有油香, 好好味!炸天婦羅拉麵, 隻蝦係中蝦, 又大隻又彈牙, 拉麵湯底幾清甜, 唔錯! 仲有塊可愛紅蘿蔔花花配菜, 可愛到呢! 師傅細微之處都照顧到真係抵讚!呢度招牌菜海龍卷, 係用完隻虎蝦整成, 肉質好爽, 又有芝士香, 而且個蝦頭仲係有膏的, 睇得出重本之作, 必定要試. 下次我一定會帶朋友來幫襯!