賞櫻 (裝修中)

最近聽朋友講中環新開左間 Omakase，為食嘅我又點會放過呢個機會啦 🤭 所以就約咗朋友一齊試試。當晚有三款套餐揀，我哋叫左中價位嘅「🌸」套餐。點完餐冇耐，侍應就遞上餐前小食，鱈魚乾片脆卜卜辣辣地，忍唔住好快食曬。🤭有部分食材都未聽過，師傅亦會耐心講解每一款食材嘅來源地，製作方法同食法，相當之有 heart。角螺刺身超級正又爽又甜 😍 隔離嘅白蝦亦都係冇得頂，連埋海膽一啖過食，好味到返唔到轉頭。🤤之後就到超級大隻嘅生蠔 🦪 生蠔上重鋪了銀箔同廚師自家製嘅調味料，味道同口感都一絕。食完三款咁高質嘅菜式之後，估唔到下一款更有驚喜，呢度菜五款食材都各有特色，自己最鍾意食中間嘅松葉蟹蟹凍配馬糞海膽，味道又鮮又甜又濃郁。驚喜繼續陸續有，之後就到拖羅三文治，兩件肥美嘅拖羅，其中一件用火槍經輕輕炙燒，之後再用用豆紙同其他配料包住，口感外脆內嫩。😋壽司六貫 : 每款壽司都超正 🤤 自己最鍾意食呢款 😍 海膽磨成嘅粉，鋪滿係壽司上面，味道濃郁又鮮甜。最後食埋兩款甜品，超高質嘅Omakase。