影片
更多
2019-07-14
1316 瀏覽
同事嘅法國朋友話依度嘅菜式非常正宗所以我哋中午嚟試一試。午市兩個courses $130 而三個courses 就$175。以中環Soho區嘅價錢來講都算合理。前菜我就叫咗Fish Terrine, 呢個前菜非常好味魚肉拆成一絲絲，再壓成塊，調味唔係好重反而食到好多一絲絲嘅魚肉非常足料。朋友叫咗Soup of the day，係蕃茄凍湯，我就冇試，不過佢話飲唔慣凍湯所以覺得普通。主菜我哋叫咗三款share，分別係Scallop risotto, fish of the day, Boeuf Bourguignon。魚就正常，只要新鮮簡單調味都好好食。我反而喜歡底下嘅配菜, 小薯仔炸得非常脆身而生菜亦都新鮮加上沙律醬好味。意大利飯奶油味好香，飯粒唔會過諗，連上面頭嘅帶子同埋蘆筍，整體感覺好夾。依個最受歡迎，好快就食晒。最後嘅紅酒燉牛肉，味道應該幾正宗但係紅酒味實在太重，我就唔係好食得慣。旁邊嘅薯條比較幼身亦都唔係好脆，我反而比較鍾意魚底下嘅薯仔。有兩款甜品可以選擇所以我哋就點黎Share。一款係抹茶芝士蛋糕而另一款就係士多啤梨吉士撻。抹茶芝士蛋糕中間嘅芝士係偏軟身亦只有淡淡的綠茶味，呢個
午市兩個courses $130 而三個courses 就$175。以中環Soho區嘅價錢來講都算合理。
前菜我就叫咗Fish Terrine, 呢個前菜非常好味魚肉拆成一絲絲，再壓成塊，調味唔係好重反而食到好多一絲絲嘅魚肉非常足料。朋友叫咗Soup of the day，係蕃茄凍湯，我就冇試，不過佢話飲唔慣凍湯所以覺得普通。
主菜我哋叫咗三款share，分別係Scallop risotto, fish of the day, Boeuf Bourguignon。
魚就正常，只要新鮮簡單調味都好好食。我反而喜歡底下嘅配菜, 小薯仔炸得非常脆身而生菜亦都新鮮加上沙律醬好味。
意大利飯奶油味好香，飯粒唔會過諗，連上面頭嘅帶子同埋蘆筍，整體感覺好夾。依個最受歡迎，好快就食晒。
最後嘅紅酒燉牛肉，味道應該幾正宗但係紅酒味實在太重，我就唔係好食得慣。旁邊嘅薯條比較幼身亦都唔係好脆，我反而比較鍾意魚底下嘅薯仔。
有兩款甜品可以選擇所以我哋就點黎Share。一款係抹茶芝士蛋糕而另一款就係士多啤梨吉士撻。抹茶芝士蛋糕中間嘅芝士係偏軟身亦只有淡淡的綠茶味，呢個我麻麻地。反而個士多啤梨撻有驚喜，士多啤梨新鮮，個批底牛油味香又脆身，中間吉士醬唔會太甜。
呢間小餐館應該非常正宗，因為中午都見到唔少法國人嚟依度食飯。法籍嘅店員非常親切隨性，會再嚟。
張貼
