Amitie Kitchen

營業中

休息中

今日專登去尖沙咀H8搵嘢食，見到水牌有間西餐廳，就想去試吓。餐廳燈光暗暗地，好有浪漫情調。我哋兩個人總共order左一份晚餐，一份full set 晚餐包括一份主菜、餐飲、前菜、餐湯。再加一個main course. Share來食。點完菜，先來一盤面包，有3款唔同口味嘅面包。餐湯係紅湯，感覺似蘿宋湯或牛尾湯之類，但係佢比一般蘿宋湯濃一d，似係加左cream嘅質感，味道好好，唔會太鹹，湯入邊仲有牛腩粒，牛腩粒好軟滑，好好味。呢個湯真係好值得推介。前菜我揀左巴拿馬火腿沙律，混合左多款沙律菜，好新鮮，巴拿馬火腿好香、好好味。主菜我揀咗帶子海鮮燴飯。帶子好大粒，燴飯用嘅汁充滿海鮮嘅鮮味，好新鮮嘅感覺，飯嘅質感軟硬度適中，非常好味，極力推介。另一款主菜單點，我揀咗黑毛豬漢堡配炸番薯條，意料之外咁好食，厚切豬柳夾喺漢堡中間，豬柳嘅質感好滑好Juicy, 調味好好好，感覺有少少胡椒味；炸蕃薯條外脆內軟，唔會炸到硬晒乾晒，呢味菜式我都非常推介。總結呢度非常值得再來光顧，尤其係拍拖情侶或慶祝浪漫節日。