紅跑車越南餐室 (已結業)

幾個月前食過晚餐, 我覺得味道一般, 尋日再去食LUNCH感覺好似好食左, 三個人點左一個二人餐再加一個一人餐, 超飽! 安格斯牛肉, 本來以為係湯河, 原來係湯浸牛肉, 牛味好重, 不過湯底好咸 馬拉炒通菜, 好大碟, 不過D菜炒得老左少少 越南蒸粉卷, 好大舊, 不過好膩, 粉皮略厚 菠蘿海鮮炒飯, 好味! 味道甜甜地, 好開胃 椰香辣椒雞絲河, 湯底好香濃, 河粉亦好滑 炸蝦餅, 質素普通, 唔夠彈牙 千層糕, 熱辣辣好味 熱檸茶竟然有5塊檸檬, 材料十足!食到飽飽埋單都係$133 仲唔使加一, 超值之選!