影片
更多
2024-10-09
259 瀏覽
今次再去試左一間泰國菜【SIAM 28】，主要係見評價幾好價錢合理、所以就同fd去試下啦。因爲我地兩個都有少少唔舒服、想店員同老闆推薦D唔辣既菜色，最後老闆竟然幫我地客制化全部走辣，真係好貼心！鷄髀菇炒鷄蛋生菜包：非常特別既素食選擇、鷄髀菇好juicy、鷄蛋好香，微酸再包住生菜非常爽脆又有特色。椰子鷄湯：非常香濃椰汁味、鷄肉同菇類好多，唔會得湯水，調味適中。下面會有蠟燭熱住、唔怕凍曬。泰式豬手：本身好少食豬手、點知佢地既豬手顛覆我對豬手既認知、個醬汁甜甜鹹鹹非常開胃、肉質軟霖、個皮非常多膠質。另外下面加左D芥蘭吸收曬D醬汁同肉汁精華。個人非常推薦。芒果香煎糯米飯：平時芒果糯米飯就食得多，但煎左既糯米飯真係第一次食。香甜芒果搭配惹味既煎糯米飯再加上鹹鹹既椰漿，非常well balanced。泰式奶茶：難得可以少甜，茶味香濃。珍多冰：椰汁味濃郁、粿條口感不錯。逢星期一至三有Happy Hour特價、其餘日子（除星期五外）所有飲品都有7折。
鷄髀菇炒鷄蛋生菜包：非常特別既素食選擇、鷄髀菇好juicy、鷄蛋好香，微酸再包住生菜非常爽脆又有特色。
椰子鷄湯：非常香濃椰汁味、鷄肉同菇類好多，唔會得湯水，調味適中。下面會有蠟燭熱住、唔怕凍曬。
泰式豬手：本身好少食豬手、點知佢地既豬手顛覆我對豬手既認知、個醬汁甜甜鹹鹹非常開胃、肉質軟霖、個皮非常多膠質。另外下面加左D芥蘭吸收曬D醬汁同肉汁精華。個人非常推薦。
芒果香煎糯米飯：平時芒果糯米飯就食得多，但煎左既糯米飯真係第一次食。香甜芒果搭配惹味既煎糯米飯再加上鹹鹹既椰漿，非常well balanced。
泰式奶茶：難得可以少甜，茶味香濃。珍多冰：椰汁味濃郁、粿條口感不錯。
逢星期一至三有Happy Hour特價、其餘日子（除星期五外）所有飲品都有7折。
張貼
