半熟工房 (金馬倫道) (已結業)

一路都好忙無時間試非常出名既半熟芝士撻！每次行過都打排長龍，直至前幾日行過見到無咩人就即刻同朋友買左幾個試下。雖然比平時少人，不過都等左5-10分鐘，排隊既時候一直見到staff攞一盤一盤熱辣辣既芝士撻出黎，淨係睇見都興奮呀！我今次試左原味同朱古力，兩個都好好味啊！！！ 原味既芝士撻遠遠已經可以聞到香濃芝士味，一咬落去面層非常軟，而餅底非常非常酥脆，中間既半融芝士餡好重cream cheese味，不過食得多會有d膩同好濟 再試埋佢既朱古力味，感覺好似心太軟，不過餅皮比心太軟酥脆，而中間既朱古力漿味道非常濃，好好味呀！我呢個朱古力控完全停唔到手 下次有機會好想試下佢地既蛋糕，個賣相都非常吸引！