森林咖啡 (已結業)

今日係星期四，特別選擇這個時候去試試森林Cafe, 我們選擇由太和行30mins到小店，天氣剛好涼涼地，而且天陰所以無咩人行（好過行山避疫情，空氣清新，一路上環境優美得不像在香港這城市。回正題，餐廳今日雖是平日又加上疫情，但都有5至6枱客人，不過地方好寛濶，每枱相隔都一段距離，周圍有好多樹，聞到樹葉的陣陣清新。可能客人唔多，今日服務員好有禮貌和熱情，還跟我們有說有笑，同其他食評所說的不一樣。我們選了＜磨菇漢堡＞＜安格斯牛肉沙律＞＜手沖咖啡＞＜海底椰熱飲＞（正式名稱忘記了）。食物賣相好看，影相一流，漢堡味道都還可以，牛扒係薄牛肉，有港色風味，手沖咖啡就無得選擇咖啡豆，沖出黎色水和味道應該係深炒咖啡豆（如果對咖啡有比較高要求的就不用試了），至於海底椰外觀唔係好似海底椰，有啲似柑桔蜜，味道我朋友就無特別提及了。最後我們還見到有松鼠在機上走出來攞野食，的確會令我們好開心好治療的。總結，環境比食物好，食物比飲品好。如果於非繁忙時間去的話係一個同朋友傾計hea下嘅好地方。