無麵不歡 - 中華私房粉麵 (已結業)

來到旺角，試左呢間係朗豪坊附近的麵館。因為之前睇過一個youtuber拍既片，知道佢個門口有d隱閉，好容易會miss左，果然佢個門口位置係橫巷既一個凹位，要留d神先注意到。來到講佢既食物，麵款來講都幾多種類，好多都味聽過既名，睇來都幾有當地特色。因為想食辣既野食，就揀左下面呢款宜賓燃麵，係一款拌麵來既。由於本人唔食芽菜，所以我呢碗係走左芽菜既。辣味來講都有去到譚仔既小辣，只係我覺得醬汁好似唔夠多，加上佢既麵都大份（夠兩個人食），所以佢俾既配料好似唔夠撈曬成碗麵，變相有少少dry。另外，我同朋友又叫左個香煎蛋餃，一碟五隻，size小小，一啖入口，都幾香口。除左蛋餃，都叫左個藤椒雞扒，辣來講我覺得唔算太辣，都食到佢既藤椒味，整體來講我覺得呢塊雞扒似係加左藤椒酥炸既麥樂雞。其實佢都仲有好多地道四川（？）既小食，可以搵機會再試下。