韓鍋酒舍

營業中

休息中

餐廳位於灣仔，裝潢仿照韓國總店，以古典深色木材為主調。品牌已喺首爾開業40年，主打解酒湯同牛腸火鍋，另有幾款特色香港限定菜式。平日晚上到訪都滿座，想食嘅建議早啲去🤣 落單後會送上前菜，可無限添加，微微辣度幾開胃。其中之一款香港限定嘅係餃子解酒湯，內臟湯底搭配巨型牛肚餃子，皮煮至軟身，餡料飽滿，後勁帶香辣，醒胃效果一流。如果唔食得辣嘅亦可以要解酒年糕片湯，湯底清甜，年糕軟糯可口，搭配紫菜、雞蛋絲等可添加口感。除此之外呢度仲有多款暖笠笠湯鍋，當中牛蹄湯就比較少見，骨膠原十足，奶白色湯底，味道清淡，難怪店員會建議落埋旁邊嘅調味料。牛腩湯有足料韓牛，搭配麵條同白飯唔覺唔覺就清晒。最後唔好唔記得叫埋個解酒煎餃子，熱辣辣上，薄身皮脆內餡多，一個人都可以食到八件。