Yadllie Plate 야들리애플래이트 (海之戀商場)

之前喺旺角分店已經食過一次，覺得環境食物都唔錯，原來荃灣西海之戀商場都開咗分店，環境座位一樣舒適，平日午市仲有7折，超抵吃。魚介湯鍋$238分量十足，醬油湯底清清哋唔算濃味，有唔同款嘅魚糕各2串、蔬菜、雞蛋、年糕等，吸曬湯底味道剛剛好。大邱辣醬炸雞🐔$188辣醬點點酸甜味，唔太吃得辣嘅我都接受到，雞肉嫩滑有肉汁，外皮香脆，分量足足有成隻雞，吃完已經好夠飽。鱈魚乾海螺🐚拌麵$138螺肉爽口彈牙，醬汁濃郁，每條麵都掛滿醬汁，少少辣好開胃。玫瑰蜜桃果茶$42🍹蜜瓜沙冰$68飲品都好出色，唔會太甜，選擇也很多，配炸雞吃一流。