影片
更多
2022-01-23
955 瀏覽
去咗深水埗大南街飲咖啡打卡，順道買個炸雞外賣返屋企做豐富晚餐。太子地鐵站附近，經過見到店面係傳統韓屋設計嘅K STUFF，好型喎！太子新開，光猛乾淨，韓國一站式美食和雜貨店，店員推介人氣無骨炸雞漢堡，還有招牌菜玫瑰醬炒年糕。韓系生活雜貨店，等外賣期間可以觀賞多款韓國人氣雜貨，搞到我都心思思想買 Dr.Hows 廚具和人氣文具品牌 ICONIC，下次去大南街又多個新蒲點！韓式炸雞套餐第一推介菜式有韓式炸雞，我就想一次過試晒所有味道，所以分別叫咗幾個套餐。返到屋企都仲係熱辣辣，炸雞皮脆肉滑又多汁。原味夠正宗 $36/2件，甜辣味酸酸甜甜好開胃，醬油味鹹香味突出，價錢抵食 $39/2件，食到舔舔脷，套餐試勻薯條、韓式醃蘿蔔青瓜又有汽水飲品，滿足感超爆！玫瑰醬炒年糕 $65當然要叫返韓國特色美食，自家製漬物一早沽清，唯有下次再試。招牌玫瑰醬炒年糕好特別，韓國大熱叫好。玫瑰醬炒年糕用了蕃茄忌廉汁調配，質感特別 creamy, 口感非常好。醬汁吃出酸甜口味，辣得很惹味，又不會太辣，大人小朋友都食到的程度。紫菜飯捲 $28另一款韓式美食，部隊鍋不能少餐肉泡菜，這裏化身芝士方形紫菜飯捲 ，有驚喜又美味
太子地鐵站附近，經過見到店面係傳統韓屋設計嘅K STUFF，好型喎！
太子新開，光猛乾淨，韓國一站式美食和雜貨店，店員推介人氣無骨炸雞漢堡，還有招牌菜玫瑰醬炒年糕。
韓系生活雜貨店，等外賣期間可以觀賞多款韓國人氣雜貨，搞到我都心思思想買 Dr.Hows 廚具和人氣文具品牌 ICONIC，下次去大南街又多個新蒲點！
韓式炸雞套餐
第一推介菜式有韓式炸雞，我就想一次過試晒所有味道，所以分別叫咗幾個套餐。
返到屋企都仲係熱辣辣，炸雞皮脆肉滑又多汁。
原味夠正宗 $36/2件，甜辣味酸酸甜甜好開胃，醬油味鹹香味突出，價錢抵食 $39/2件，食到舔舔脷，套餐試勻薯條、韓式醃蘿蔔青瓜又有汽水飲品，滿足感超爆！
玫瑰醬炒年糕 $65
當然要叫返韓國特色美食，自家製漬物一早沽清，唯有下次再試。招牌玫瑰醬炒年糕好特別，韓國大熱叫好。
玫瑰醬炒年糕用了蕃茄忌廉汁調配，質感特別 creamy, 口感非常好。醬汁吃出酸甜口味，辣得很惹味，又不會太辣，大人小朋友都食到的程度。
紫菜飯捲 $28
另一款韓式美食，部隊鍋不能少餐肉泡菜，這裏化身芝士方形紫菜飯捲 ，有驚喜又美味。
韓式肉碎長堡套餐
熱狗個friend🌭️套餐要了零系可樂，
韓式肉碎長堡，豐富的醬汁，味道濃郁韓式肉碎，混合一起特別好味，很欣賞長堡烤得香脆內軟，口感不錯。
薯條🍟大家的最愛，脆卜卜，再配搭
韓式青瓜，酸酸甜甜不油膩。
K STUFF 韓嘢 設計具心思，韓屋瓦頂屋簷採用落地玻璃，主題店又分開了3個專區，美食、零食、工作坊集於一身，怪不得見到咁多文清打卡啦！
真心要推介！疫情期間可以嚟呢度買高質素嘅韓式外賣，回家享用仍然香噴噴好美味。
一講起太子美食， 韓國菜我就會諗起K STUFF 韓嘢，下次再來幫襯！
張貼
