影片
更多
2015-06-03
925 瀏覽
上一次來呢一間餐廳應該係佢尖沙咀分店開幕嘅時候，仲記得佢韓式地道嘅擺設好似牆上面嘅油畫塗鴉，電視入面播既K Pop啦，最重要梗係佢地服務員誠懇熱心嘅態度。不過可能最有代表性嘅會係客人屁股上坐住嘅油筒，打開個蓋，入邊可以放我哋嘅隨身物品唔怕比油煙整到一陣味。坐低冇耐，服務員就送上幾碟前菜。有豆腐、泡菜、洋蔥絲、豆芽同菠菜，最鍾意都係酸酸甜甜嘅泡菜。食咗覺得好開胃，所以兩個女仔點肉都點左幾碟。最欣賞嘅會係韓式辣豬腸，首先佢嗰隻豬腸唔係平時街邊食嗰啲油炸豬大腸有陣異味，佢係類似生腸，嗰隻質地比較薄身嘅，變咗佢完全可以吸收哂辣醬既威力，食到我哋噴晒火，條脷都有啲麻，不過越食就上癮，好惹味。牛肋骨肉，牛味濃，點隻橄欖油鹽已經好夠。五花腩真係五層肉咁，一層肥一層瘦，店員走埋你幫我地燒，仲細心幫我地剪開。食嘅時候發現其實全部肥油已經被燒晒出嚟，所以食起上嚟，特別爽，無肥膩感，最好用生菜同蒜頭片，辣醬食咁就真係一流。魷魚一上枱，其實顏色好紅，但係原來食落又唔係好辣個喎。相反其實係帶甜，好似炒年糕個隻味道，正。兩個女仔喺度慢慢食慢慢先真係好嘆！
不過可能最有代表性嘅會係客人屁股上坐住嘅油筒，打開個蓋，入邊可以放我哋嘅隨身物品唔怕比油煙整到一陣味。
坐低冇耐，服務員就送上幾碟前菜。有豆腐、泡菜、洋蔥絲、豆芽同菠菜，最鍾意都係酸酸甜甜嘅泡菜。食咗覺得好開胃，所以兩個女仔點肉都點左幾碟。
最欣賞嘅會係韓式辣豬腸，首先佢嗰隻豬腸唔係平時街邊食嗰啲油炸豬大腸有陣異味，佢係類似生腸，嗰隻質地比較薄身嘅，變咗佢完全可以吸收哂辣醬既威力，食到我哋噴晒火，條脷都有啲麻，不過越食就上癮，好惹味。
牛肋骨肉，牛味濃，點隻橄欖油鹽已經好夠。
五花腩真係五層肉咁，一層肥一層瘦，店員走埋你幫我地燒，仲細心幫我地剪開。食嘅時候發現其實全部肥油已經被燒晒出嚟，所以食起上嚟，特別爽，無肥膩感，最好用生菜同蒜頭片，辣醬食咁就真係一流。
魷魚一上枱，其實顏色好紅，但係原來食落又唔係好辣個喎。相反其實係帶甜，好似炒年糕個隻味道，正。
兩個女仔喺度慢慢食慢慢先真係好嘆！
張貼
