影片
更多
2019-01-19
141 瀏覽
之前食過尖沙咀海港城lcx既 The Joomak，餐廳主打韓國料理，炸雞、鍋物、飯卷等等有不同選擇，餐廳食物質素高環境好，而且可以睇到維港夜景，仲欣賞到每晚八點鐘嘅幻彩耀香港。上星期二放工行過餐廳，見到原來逢星期二晚有韓式火鍋放題，每位只係$248，90分鐘放題，所以一試。首先有三種火鍋湯底選擇，麻辣素雞鍋配松茸湯底、人蔘春雞湯、濟州蝦汁泡菜蜆湯，我哋選擇咗人蔘春雞鍋，原隻春雞裏面養咗滿滿既糯米，再加上原條人參，未開始放火鍋配料之前，先享受呢個人參雞，雞肉肉質嫩滑，糯米紅棗有咬口，而且湯底好飲，一開始已經差不多飲曬。另外有三款五穀選擇，紫菜粥、四色手拉素麵、素芝士紫菜飯， 我哋點咗手拉素麵，色彩繽紛嘅麵條放湯原來好好味，麵條有口感又唔會太淋，索咗雞湯一流。另外有多種任選火鍋配料，特選美國肥牛味道一般，唔夠肥美，但反而黑豚豬腩片又爽口又好味。我個人比較喜愛嘅配料有紫薯年糕同埋百頁豆腐，紫薯年糕係表層年糕包住裏面嘅紫薯餡，煙韌又好味； 而百頁豆腐有啲似魚片口感，但係豆腐嘅味道。蔬菜類最好食就係冰菜，放湯一陣就食得，新鮮又爽口，健康又好味。最後我哋仲點咗兩杯雪沙，柚子可可雪沙，充滿柚子肉，
上星期二放工行過餐廳，見到原來逢星期二晚有韓式火鍋放題，每位只係$248，90分鐘放題，所以一試。
首先有三種火鍋湯底選擇，麻辣素雞鍋配松茸湯底、人蔘春雞湯、濟州蝦汁泡菜蜆湯，我哋選擇咗人蔘春雞鍋，原隻春雞裏面養咗滿滿既糯米，再加上原條人參，未開始放火鍋配料之前，先享受呢個人參雞，雞肉肉質嫩滑，糯米紅棗有咬口，而且湯底好飲，一開始已經差不多飲曬。
另外有三款五穀選擇，紫菜粥、四色手拉素麵、素芝士紫菜飯， 我哋點咗手拉素麵，色彩繽紛嘅麵條放湯原來好好味，麵條有口感又唔會太淋，索咗雞湯一流。
另外有多種任選火鍋配料，特選美國肥牛味道一般，唔夠肥美，但反而黑豚豬腩片又爽口又好味。
我個人比較喜愛嘅配料有紫薯年糕同埋百頁豆腐，紫薯年糕係表層年糕包住裏面嘅紫薯餡，煙韌又好味； 而百頁豆腐有啲似魚片口感，但係豆腐嘅味道。
蔬菜類最好食就係冰菜，放湯一陣就食得，新鮮又爽口，健康又好味。
最後我哋仲點咗兩杯雪沙，柚子可可雪沙，充滿柚子肉，再加上可可醬，甜甜酸酸非常好味。
另外紅棗草莓雪沙，士多啤梨味再家啲果醬，亦都係甜甜酸酸非常開胃，整體好味又抵食。
張貼
