李家 (已搬遷) 新店位置

今日雖然6點幾去到，但都係要等一陣位，仲要係搭枱，不過唔緊要啦，因為友人話想飯。我地簡單地只點左兩個餸，一個原味拼甜辣醬味嘅炸雞同埋芝士海鮮炒年糕，另外加左枝益力多燒酒。呢度最出名係炸雞，不過個人認為G字頭嘅炸雞比較香口同惹味。原味炸雞用左胡椒調味，所以有點辣，雖然炸得香口，但雞肉唔算好juicy。而個甜辣醬味個醬比較好，酸酸甜甜，不過就唔辣。至於個芝士海鮮炒年糕，其實係炒烏冬多d，因為烏冬仲多個年糕。海鮮都唔算特別多，得一兩隻蝦同一隻青口。芝士好多，加埋年糕所以都幾漏，個味道都唔差嘅。益力多燒酒燒酒味比較重，但個人認為益力多同燒酒唔係好溝得埋，味道有d 唔夾。食物普普通通，所以唔會特別想黎食，加上坐得唔舒服，價錢又唔平，我地咁樣都巳經成四百幾蚊，唔太值。