影片
更多
2017-01-26
1058 瀏覽
見到新出左韓式火鍋好似好吸引, 天氣凍凍地一於就打番個邊爐la! 湯底有人蔘雞湯底同大蜆泡菜羅宋湯揀, 大胃couple中意食辣辣地, 就要左大蜆泡菜羅宋湯, 有得揀大辣, 中辣同唔辣, 適合唔同人士.湯底入而有豆腐、蕃茄、泡菜同蜆肉, 都幾足料, 飲落酸酸辣辣, 味道好濃蕃茄味, 就咁飲都唔錯. 而配料就要左龍蝦拼盤, 再加左韓式午餐肉同魚糕. Wa, 個龍蝦拼盤好豐富, 有好多隻龍蝦，亦有黑豚豬腩片、肥牛、大蜆、泡菜墨魚滑、泡菜鯪魚滑、腸仔南瓜、紫薯同埋好多菜 。最特別係有平時少見既羽衣甘藍同冰菜! 龍蝦真係幾大隻, 個頭仲有勁多膏, 而且肉質爽口, 係新鮮貨! 肥牛同豬腩片份量都幾多, 而蜆好大隻, 無沙幾鮮甜, 其餘配料質素都唔錯, 份量足夠2人食, 其實個拼盤都夠哂飽, 不過另外加既魚糕大胃couple就好中意, 其實姐係魚片, 吸哂個湯底好味.平時少見既羽衣甘藍同冰菜都幾有驚喜, 喜歡冰菜果種爽口多汁既感覺. 食到最後店員介紹我地可以加個芝士紫菜飯, 用小小湯底加埋個餅同芝士炒埋, d芝士多到好誇張!! 好邪惡, 大胃couple就覺得芝士份量太多, 大家可以落小d, 唔夠
見到新出左韓式火鍋好似好吸引, 天氣凍凍地一於就打番個邊爐la!
湯底有人蔘雞湯底同大蜆泡菜羅宋湯揀, 大胃couple中意食辣辣地, 就要左大蜆泡菜羅宋湯, 有得揀大辣, 中辣同唔辣, 適合唔同人士.湯底入而有豆腐、蕃茄、泡菜同蜆肉, 都幾足料, 飲落酸酸辣辣, 味道好濃蕃茄味, 就咁飲都唔錯.
而配料就要左龍蝦拼盤, 再加左韓式午餐肉同魚糕.
Wa, 個龍蝦拼盤好豐富, 有好多隻龍蝦，亦有黑豚豬腩片、肥牛、大蜆、泡菜墨魚滑、泡菜鯪魚滑、腸仔南瓜、紫薯同埋好多菜 。最特別係有平時少見既羽衣甘藍同冰菜!
龍蝦真係幾大隻, 個頭仲有勁多膏, 而且肉質爽口, 係新鮮貨!
肥牛同豬腩片份量都幾多, 而蜆好大隻, 無沙幾鮮甜, 其餘配料質素都唔錯, 份量足夠2人食, 其實個拼盤都夠哂飽, 不過另外加既魚糕大胃couple就好中意, 其實姐係魚片, 吸哂個湯底好味.平時少見既羽衣甘藍同冰菜都幾有驚喜, 喜歡冰菜果種爽口多汁既感覺.
食到最後店員介紹我地可以加個芝士紫菜飯, 用小小湯底加埋個餅同芝士炒埋, d芝士多到好誇張!! 好邪惡, 大胃couple就覺得芝士份量太多, 大家可以落小d, 唔夠再加.
飲品方面很喜歡呢杯薑菠蘿雪沙, 冰好綿好滑, 有清甜菠蘿味又帶有小小薑既辣味, 幾有趣.
而土耳其蘋果茶賣相就好令, 旁邊果樽係蜜糖, 不過茶味唔太特別, 蘋果味有點薄弱, 用黎消下滯都ok.
食得好飽好滿足, 見到其他枱好多都係食人蔘雞湯底, 下次可以試下.張貼
