Dodam Chicken (1亞太中心) (已結業)

呢個餐廳嘅香辣味炸雞真係好正，啲肉質好嫩又唔會太乾，而且啲皮炸到好鬆脆，再喺面頭淋上韓式傳統嘅甜辣醬汁，非常惹味！加上佢地炸雞嘅口味多不勝數，仲可以選擇有骨或者無骨，份量都可以選擇一份或者半份，多人嘅話點原隻會比較抵食，而去骨特別適合老人家或者小朋友食🍖🥹另外，呢度仲有好多主食，例如水冷麵、炸醬麵等等，亦都好多款式嘅小食，例如芝士豬肋骨、牛排骨等等。呢度嘅餐牌有韓文、中文同英文，非常之地道又多元化。飲品都有好多選擇，除咗果汁汽水之外，亦都有不同水果口味嘅燒酒同梳打，例如蜜桃檸檬柚子芒果白桃等等！我地就叫左一壺芒果梳打，爽口又解渴，唔會太甜，啲氣泡又夠多，食完炸雞最飲返啖解除油膩感！🥹❤️