반찬앤쿡 Banchan and Cook (時代廣場) (已結業)

早前陪朋友去時代廣場買完嘢之後就一齊食午飯，而佢又有商場嘅coupon所以直接係入面搵餐廳，最後就去試咗佢想試嘅Banchan蛋包飯卡邦尼年糕🧀本身好鍾意食卡邦尼意粉，但將意粉轉咗年糕都無得輸呀😋煙韌嘅年糕加埋香濃白汁好惹味，而且都有唔少配料，有冬菇、本菇同煙肉～但注意要盡快食，因為同朋友掛住傾計，之後凍咗啲汁凝固咗就無咁好食啦燉牛肋骨蛋包飯🍳朋友最期待嘅蛋包飯嚟啦👏🏻店員會幫忙先切開隻蛋，之後就可以開始食啦～燉牛肋骨啲汁好濃郁配蛋同飯食好夾，而牛肋骨啲肉都燉得好入味好軟嫩，同埋雞蛋好滑又充滿蛋香，所以就算佢份量比較大都絕對可以食完韓式蜜糖炸雞(無骨半份）🍗蜜糖炸雞味道比想像中更甜，不過炸粉適中唔會好厚，雞肉都嫩滑有肉汁，但食多幾件就覺得有啲膩，而炸年糕香脆嘅外皮加煙韌嘅口感反而好有驚喜，薯條就正常都好香脆。除非好鍾意食好甜，否則建議大家可以試其他口味嘅炸雞環境都好舒服同埋唔會限時要我哋離座，不過上菜速度就有啲慢，肚餓想快啲有嘢食就未必啱啦，但如果想坐耐少少同朋友慢慢食嘢傾計，呢度都係唔錯嘅選擇