影片
更多
2017-03-11
3429 瀏覽
※本文以用餐當日的環境、服務和食物質素為準，口味亦因人而異，文章只作參考之用。-早前去左黃大仙新開既炑八韓烤食晚餐，之前聽過佢地既牛肉質素不錯，最多人推薦更係佢地既午餐set，聞說相當抵食！據說「炑八」不同分店會有不同的主題，黃大仙店便以珍貴的韓牛作主打。係香港可以食到韓牛的地方不多，炑八讓大家又有多個選擇，另外仲有分店限定的韓牛拼盤和飲品。目測黃大仙中心正在裝修，很多地方都圍晒板，幸好都算容易找到。黃大仙店的環境很闊落，坐位很多，由小樓梯連接著上下兩層，裝潢都走著年輕活力的感覺！還放有這裡用上的韓牛品種「短角金毛韓牛」的假·真身。坐下後先上幾碟韓式開胃前菜，泡菜、海帶、酸蘿蔔和大豆芽都可續加。仲有食落新鮮的芝麻醬雜菜沙律。小妹鍾意炑八既泡菜蛋同芝士粟米可以無限添加，岩晒我倆都係芝士控，可以食到飽，芝士粟米烤到個底脆脆地就最好食。(餐牌在文末)Strawberry Tower $68其中一樣指定分店既飲品就係呢杯草莓塔，賣相好似韓國過江龍百幾蚊一杯個間鮮果沙冰店，可以當飲品又可以當甜品食，不過呢度只係$68，如果成粒草莓都係紅色會更吸晴！成杯飲品最底係草莓沙冰，中層同頂層係忌廉和新鮮草
-
早前去左黃大仙新開既炑八韓烤食晚餐，之前聽過佢地既牛肉質素不錯，最多人推薦更係佢地既午餐set，聞說相當抵食！
據說「炑八」不同分店會有不同的主題，黃大仙店便以珍貴的韓牛作主打。係香港可以食到韓牛的地方不多，炑八讓大家又有多個選擇，另外仲有分店限定的韓牛拼盤和飲品。目測黃大仙中心正在裝修，很多地方都圍晒板，幸好都算容易找到。
黃大仙店的環境很闊落，坐位很多，由小樓梯連接著上下兩層，裝潢都走著年輕活力的感覺！
還放有這裡用上的韓牛品種「短角金毛韓牛」的假·真身。
坐下後先上幾碟韓式開胃前菜，泡菜、海帶、酸蘿蔔和大豆芽都可續加。
芝麻醬雜菜沙律
20 瀏覽
0 讚好
0 留言
小妹鍾意炑八既泡菜蛋同芝士粟米可以無限添加，岩晒我倆都係芝士控，可以食到飽，芝士粟米烤到個底脆脆地就最好食。(餐牌在文末)
Strawberry Tower
$68
24 瀏覽
0 讚好
0 留言
其中一樣指定分店既飲品就係呢杯草莓塔，賣相好似韓國過江龍百幾蚊一杯個間鮮果沙冰店，可以當飲品又可以當甜品食，不過呢度只係$68，如果成粒草莓都係紅色會更吸晴！
成杯飲品最底係草莓沙冰，中層同頂層係忌廉和新鮮草莓，只係最上層的草莓不夠紅潤，仲見到唔少青色位，如果唔係一定仲靚架！草莓食落亦比想像中甜，沙冰味道算天然，係甜度較高，男人話好甜喎。
海洋特飲
$38
22 瀏覽
0 讚好
0 留言
男人點了這杯望到都解暑既藍色海洋特飲，視覺效果都幾靚，飲落係荔枝味果汁加雲呢拿雪糕，清涼解渴。
韓牛珍貴部位拼盤 （貝身肉、西冷扒、肩押肉，牛五花肉）
$568
40 瀏覽
0 讚好
0 留言
（貝身肉、西冷扒、肩押肉，牛五花肉）
每片韓牛都色澤紅潤，看到上面那油脂均勻的油花嗎？！好吸引啊，而且擺盤都擺得好靚。每款韓牛有四片，貴精不貴多，我地兩個人食晒都幾飽架！
貝身肉
22 瀏覽
0 讚好
0 留言
貝身肉係四種肉之中小妹覺得最好食，咬落肉質爽口幼嫩，牛味最明顯，真心推薦！
肩押肉明顯較厚身，牛味無咁濃，肉質相對會帶點咬口，但都好易咬開。牛五花肉對比另外三款會略韌，因當中有筋位較有嚼勁，會愈嚼愈香。
1++韓牛巨大牛小排（需預約）
$188
35 瀏覽
0 讚好
0 留言
韓牛分為五個等級，1++、1+、1、2、3，1++視為最高級的韓牛。這塊巨大牛小排分量一點都不小，接近鋪滿一個大銀碟，而且肉上的雪花紋理很細緻。由於太大塊，所以用較剪將牛小排一開二，再將兩面輕輕一烤便可。咬落肉質軟嫩，也充滿著肉汁，富牛香，感覺滿足！
芝士溶岩飯
$128
23 瀏覽
0 讚好
0 留言
芝士溶岩飯 $128將雞蛋、炒飯同芝士送上後，會有專人係你面前落料，泡菜炒飯再落埋蛋漿同芝士圍邊一齊炒呀炒，仲有芝士勁牽絲，成個過程好吸引，望望下仲幾似納豆！食落芝士味唔算重，以營造效果為主，不過泡菜味就相當濃烈，帶微微辣又很惹味，不知不覺間會愈食愈多。
部份餐牌↓
張貼
