韓正屋韓國料理

營業中

休息中

放咗一個月暑假，又要準備返學啦，今日活動後經過北帝街見到開咗間韓式小店，喺土瓜灣真係好少見，未夠六點都已經坐咗一半人，門口見佢嘅價錢又抵食，決定食個早飯。淨係睇個價錢已經贏晒，街坊價錢，份量都好大。辣豬肉板燒飯，d肉多到不得了，味道唔算好辣，鐵板熱辣辣，將啲肉攤返平方便翻熱。拉絲芝士年糕，芝士超多同真係堅辣，一罐汽水唔夠喉，要叫多罐。留意番：主食可以加錢追炸雞/餃子。韓式無骨豬手，加埋新鮮生菜同配料任君選擇，食落去冇咁油膩。特色飲品，柚子沙冰，喺出面好少見食完辣野飲沙冰透心涼。叫咁多嘢都係二百零蚊，唔怪得知咁多人排隊啦。