冰雪公主 (已結業)

而家越黎越多韓國餐廳，要食韓餐完全唔難，係荃灣就有一間以韓食做主打嘅冰雪公主，一日五餐都可以完全感受到韓國風。壽女燒雞鍋呢個名幾有趣，唔知有D咩意思，但就知呢個鍋整得幾好食，有一條辣椒係入面，唔會太辣，相信都適合唔係好食太辣嘅人。整個蔥頭在鍋內煲，不會有好強烈嘅蔥味，可以原隻蔥頭咁食，雞肉無骨，軟熟又入味。食完晚餐，甜品少不免都要有先覺得完滿，但好多時都要另搵一間甜品店，今次呢間當然唔止有熱食，仲有各式各樣既甜品。韓式甜品比較少食，普遍都只有西式同中式，呢間就有好多韓式甜品。爆谷雪糕好正，雪糕打左七八個圈咁高，然後在外圍貼滿爆谷，加埋糖漿係頂，爆谷就好似會熔咁，賣相好吸引。雪糕加爆谷又軟又脆，口感好有趣。若爆谷可以再整得再脆口些少就會更好。千層蛋糕食得多，呢個再加埋年糕係入面嘅千層糕好特別，年糕好煙軔，層次分明，份量夠晒大件，年糕配係甜品一齊都幾好食。下次揀甜品店又有多樣選擇。