影片
更多
2018-06-27
3191 瀏覽
一講韓國菜，即刻諗起有韓燒、炸雞、拌飯、部隊鍋……等等大魚大肉嘅款式，但一講到食素就極少會聯想到韓菜，今晚就嚟到嘅「The Joomak」，一向做開新派韓菜，近排就出咗個素菜 x 韓菜聯乘嘅菜單，貪得意試試會喺點！踏入店內，鋼架結構，再加木牆身配柔和燈光，驟眼睇落，裝修帶點工業風嘅感覺，成個場都幾爆，坐滿晒客人。走入啲，環境相對更昏暗，只喺靠天花幾盞射燈而已。但整體予人感覺都喺闊落，枱與枱之間都唔會覺得有擠迫感。坐裡面，最正就當然喺窗外景緻啲，無敵嘅維港景色，再加上窗台別緻嘅擺設，喺為環境一環嘅加分位嚟。個素食餐牌，原來確喺有唔少素食菜式，包括：前菜、主菜、甜品都照顧得到，款式多達廿款，似乎做素菜嘅決心不少喔。韓國水梨卷 $98雖然提到壽司卷就聯想起日本菜，但韓國嘅壽司卷都一樣好流行。水梨卷以韓國水梨、青瓜、甘筍、酸瓜捲成，入口幾清爽，又帶點清甜味，着實不俗。原味煎餅 $88煎餅亦喺韓食嘅特色菜，有啲似我哋嘅「薄撐」，煎餅軟糯黏韌，幾香口，內裡混入咗白菌片，但味道仍比較淡口，所以，沾少少醬油吊吊味就好食啲。韓式甜辣素炸雞 $118研究個餐牌時，意外發現炸雞都有素，所以，點都要點一款嚟試
踏入店內，鋼架結構，再加木牆身配柔和燈光，驟眼睇落，裝修帶點工業風嘅感覺，成個場都幾爆，坐滿晒客人。
走入啲，環境相對更昏暗，只喺靠天花幾盞射燈而已。但整體予人感覺都喺闊落，枱與枱之間都唔會覺得有擠迫感。
坐裡面，最正就當然喺窗外景緻啲，無敵嘅維港景色，再加上窗台別緻嘅擺設，喺為環境一環嘅加分位嚟。
個素食餐牌，原來確喺有唔少素食菜式，包括：前菜、主菜、甜品都照顧得到，款式多達廿款，似乎做素菜嘅決心不少喔。
韓國水梨卷 $98雖然提到壽司卷就聯想起日本菜，但韓國嘅壽司卷都一樣好流行。水梨卷以韓國水梨、青瓜、甘筍、酸瓜捲成，入口幾清爽，又帶點清甜味，着實不俗。
原味煎餅 $88煎餅亦喺韓食嘅特色菜，有啲似我哋嘅「薄撐」，煎餅軟糯黏韌，幾香口，內裡混入咗白菌片，但味道仍比較淡口，所以，沾少少醬油吊吊味就好食啲。
韓式甜辣素炸雞 $118研究個餐牌時，意外發現炸雞都有素，所以，點都要點一款嚟試試。一客有5件，炸得金黃，放咗唔少杏仁片做點綴，賣相都幾靚仔架。其實，素炸雞球喺啲腐皮包住素雞炸成，再塗上韓式甜辣醬，口感當然跟雞肉唔同，似食炸豆卜，不過，個甜辣醬好惹味，帶點辣勁。小弟就覺得，一客得5件，賣百幾，性價比低咗啲。
素菜拌飯 $88睇過韓國綜藝節目「尹食堂2」就特別想食韓式拌飯，基本上韓式拌飯唔加肉本身就已經喺一道素食，唔做刻意搞花款。飯面鋪滿生菜、甘筍絲、芽菜、青瓜絲及煎蛋，拌勻就食得。雖然唧咗少少香油，但仍然覺得比較淡口，所以，自己額外加啲甜辣醬，味道先至變得唔同晒。
韓薑菠蘿雪沙 $58友人飲其他特飲，因為點咗炸「雞」，所以，小弟就揀咗杯雪沙，即喺沙冰，菠蘿味喺「賣飛弗」，再加咗韓薑元素。杯雪沙夠晒大杯，好香菠蘿味，但薑味就稍為隱若，此外，口感未夠打得細滑，仲有唔少冰粒感。
今次嘅特色素菜菜單，款式喺多，不過，所試嘅幾款菜式，味道都喺偏淡，雖然，有話素菜喺要食得健康，但味道亦可以做得出色，個人就真喺略嫌寡咗啲。不過，始終人人口味不同，喜歡清淡嘅朋友就應該幾啱食喇！
張貼
