반찬앤쿡 Banchan and Cook (時代廣場) (已結業)

收工同朋友去食大餐，餐廳位於銅鑼灣時代廣場9樓，主打韓食炸雞同蛋包飯。泡菜炒五花肉蛋包飯少少辣既泡菜同五花肉幾唔錯，用刀切開流心蛋後，蛋漿從內到外四溢，包住茄汁飯底。蜜糖無骨炸雞炸雞好大舊，咬落香脆帶少少肉汁，肉質嫩滑。個底鋪左啲薯條，上面放左幾件年糕，配埋蜜糖就一流。部隊鍋拉麵呢個要趁熱食，否則放耐左會有啲索湯，拉麵幾彈牙，另有午餐肉、腸仔、翠肉瓜、芽菜等配料，少少辣。韓式雜莓牛角包窩夫新鮮出爐既牛角包窩夫好酥脆，連埋雜莓再點少少cream一齊食，係絕配。青檸梳打食完少少辣野，飲杯清新既青檸梳打就夠哂爽。士多啤梨鮮奶咖啡士多啤梨牛奶味道一流，再帶點咖啡既回甘，好有層次。