影片
更多
2019-05-22
175 瀏覽
香港人近年愈來愈注重健康生活，所以素食飲食文化愈吹愈熱，身邊不少朋友都相繼由肉食變成素食甚至純素食者。其實近年坊間有不少餐廳也推出素食菜式餐單，就好似呢間創意新派韓食餐廳「The Joomak」，繼早前以 Omnipork 新豬肉入饌後，最近又再推出新款素食，有全新口味的素炸雞及素鰻魚料理等，所以趁今日 Green Monday，下班後就約埋老公兩口子去嚐新。餐廳位於廣東道 3-27 號海港城海運大廈 3 樓 LCX，店內地方頗大，裝潢型格，走工業風，近門口位置以二人及四人檯為主，右手邊擺放了一列海藍色的長梳化，而牆身則裝上以燈泡砌成的店名，非常搶眼。沿著開放式吧檯往內走，盡頭處另設有散座，近窗位置更可以一覽無敵大海景。餐廳逢星期一設有 90 分鐘韓素放題，客人可於限時 1.5 小時內，盡情享用十多款韓式素食前菜及主菜，當中包括有板燒未來豬肉漢堡扒生菜包、三款全新口味素炸雞、三款素鰻魚料理……等等！另 +$38 可任飲罐裝飲料、茶類、鮮果汁、朱古力及咖啡，而 +$88 更可以任飲燒酒、清酒、啤酒、葡萄酒等，再加每人一客素奶凍。先揀幾款前菜試下，呢款係炸素魚腐：魚腐炸至色澤金黃，入口外脆
餐廳位於廣東道 3-27 號海港城海運大廈 3 樓 LCX，店內地方頗大，裝潢型格，走工業風，近門口位置以二人及四人檯為主，右手邊擺放了一列海藍色的長梳化，而牆身則裝上以燈泡砌成的店名，非常搶眼。沿著開放式吧檯往內走，盡頭處另設有散座，近窗位置更可以一覽無敵大海景。
餐廳逢星期一設有 90 分鐘韓素放題，客人可於限時 1.5 小時內，盡情享用十多款韓式素食前菜及主菜，當中包括有板燒未來豬肉漢堡扒生菜包、三款全新口味素炸雞、三款素鰻魚料理……等等！另 +$38 可任飲罐裝飲料、茶類、鮮果汁、朱古力及咖啡，而 +$88 更可以任飲燒酒、清酒、啤酒、葡萄酒等，再加每人一客素奶凍。
先揀幾款前菜試下，呢款係炸素魚腐：魚腐炸至色澤金黃，入口外脆內軟，豆味香濃，用芝麻葉包著吃，解膩消滯，味道特別！
食韓國菜又點少得泡菜，揀咗款素泡菜芝士薯條：薯條以鑊仔盛載，上桌時仍熱辣辣，每條都炸至金黃香脆，配合自家製的素泡菜及鹹香的 daiya 素芝士，吃起來酸酸辣辣，濃郁入味又不油膩，夠曬惹味。
平日食韓菜都喜歡點煎餅，而呢客青蘋菠蘿羽衣甘藍煎餅，比起慣常吃到的煎餅更加吸引，色澤綠油油，加上食材除了有超級食物羽衣甘藍外，更伴有清爽菠蘿乾、開胃青蘋果醬及明目的杞子，味道清甜，非常適合春夏季節享用。
吃完三道前菜，就輪到試下主菜，先來一客板燒未來豬肉漢堡扒生菜包：豬肉漢堡連同鐵板一齊奉上，先將漢堡放喺鐵板上輕輕烤熱，然後用芝麻葉同生菜裹著吃，入口啖啖植物肉，加埋入面爆漿的 vegan 芝士，非常滋味，建議沾上柚子豉油吃，可減低油膩感。據說漢堡扒係用豌豆、非基改大豆、冬菇等全植物性材料製作，當中蘊含優質氨基酸，照顧到人體營養所需。
放題有三款素炸雞供應，包括有芥末素炸雞、韓式辣味素炸雞、牛油果開心果素炸雞，因為想留肚吃其他菜色，所以今次只係試咗牛油果開心果素炸雞。炸雞賣相非常吸引，面頭鋪滿以牛油果同開心果拌成的特製醬料，再加入青檸汁，味道非常清新，入口有好重嘅青檸酸味；素肉非常嫩口，同真正嘅炸雞很相似。
至於素鰻魚料理方，同樣有三款，包括有純素燒鰻魚、純素鰻魚卷、純素燒鳗魚炒飯。由於怕食力有限，不想浪費，所以今次只係揀咗前兩款。純素燒鰻魚以淮山蓉及豆腐製成，灸烤後焦香味突出，口感十分像真。最喜歡就係鰻魚底層鋪咗原塊紫菜，煎香後彷似真鰻魚一樣嫩滑，塗上自家製素烤鰻魚醬，再配埋鍋巴、芝麻葉同生菜一起吃，相當滋味。
至於純素鰻魚卷，用料亦絕不欺場，材料除咗素鳗魚外，還有青瓜粒、醃漬黃蘿蔔粒同紅蘿蔔絲等，食落爽口清甜，配松子仁同麻油吃 ，令飯卷更加香口。
其實食咗咁多款素菜已經有啲飽，不過一場嚟到，一於試埋呢款素食風味部隊鍋。呢個部隊鍋雖然係放題食物，但估計同散叫分別不大，除了有 daiya 素車打芝士，素午餐肉、素腸仔外，還有超級食物羽衣甘藍、素泡菜、金針菇、豆腐及多款時令蔬菜，非常足料，咁多款素食共冶一爐，豐富味美。
我哋加咗錢點飲品，咁多款飲品之中，最喜歡就係青檸黑麥汁素啤酒同紅棗草莓雪沙。黑麥素啤酒選用德國黑麥芽，以德國純釀法釀製，不含任何化學添加劑，入口清涼純正。至於紅棗草莓雪沙則屬濃甜組合，賣相呈迷人的淡粉紅色，入口會嚐到紅棗的甜與草莓的酸，加上入面內藏的紅棗肉，咬下煙煙韌韌，又香又甜，女生一定 Like。
餐廳以「素葷共融」為理念，無論是素食者又或是葷食者，都可以在這裡覓得心頭好。
張貼
