鐵牛台灣牛肉麵 (希爾頓大廈)

營業中

休息中

呢度每樣食物都正常，唯獨牛肉麵塊牛肉真係韌到扯都扯唔斷，我見唔止我呢碗係咁，因為對面枱位女士都扯緊舊牛肉扯到個頭Chok左下。牛筋腩麵 $58就咁望落個樣係正正常常既，湯底有牛肉味，麵質彈牙，不過一咬落啲牛肉度就出曬事啦。係韌到扯唔斷咖！圖中係我咬左兩次都未扯甩舊肉，影一影個肉質，相片可見係又乾又硬，咬到牙都軟，最後都放棄左部份牛肉，因為真係好唔掂。小香腸肉燥乾拌麵 $58小香腸係台式香港，微甜又爽爽地既，如果配埋蒜片就正啦拌麵好香肉燥鹵水汁味，麵質彈牙，唔錯。芝士鹽酥雞 $40佢既鹽酥雞本身都炸得幾好，可惜芝士似係普通片裝車打芝士直接加上去再整溶佢，兩者唔係咁夾，就咁原味鹽酥雞應該會好食啲。魚酥皮蛋豆腐 $36豆腐唔係幾夠滑，木魚同醬汁調味得唔錯，但偏咸左。芋香珍珠 $16(跟餐)無咩芋香，珍珠又硬硬地唔係幾夠軟，一般。