梨滿園韓國料理

營業中

休息中

今日下午去沙田科學園放低啲文件，然後可以直接放工，約咗個喺中大返工嘅朋友聚一聚食個晚飯。科學園泊車好方便，商場內外都有各類特色餐廳，朋友推介《梨滿園韓國料理》任食吃到飽。餐廳位於P4停車場玻璃門入商場位置，科學園地方大，餐廳樓底都非常高，地方寬敞，坐得舒適。先來個刺身，款款都新鮮，個人喜歡三文魚，豐富魚油好有益。有啲肚餓叫咗個牛肉石鍋飯，熱辣辣香噴噴，賣相都好吸引，即刻有得食，兩個人share，留肚食肉，韓燒一定會提供唔同嘅餐前醃菜及生菜(包住燒烤好的肉一起吃），呢度嘅泡菜都唔錯，肉類每樣都叫咗啲，牛肉質算中上，有一些是醃製的，烤好不用加味，其他主要是薄切，烤一陣香香的就食得，有我的至愛牛舌，一定要點，薄薄地，輕輕燒熟兩面，好爽滑，牛舌嘅味道冇其他部位可以取代，正啊！海鮮點咗半殻元貝、生蠔及大蝦，叫咗個煎餃子，香脆可口，美味。飲品櫃提供各款飲料，任飲。整體上食物質素唔錯，店員服務態度也非常友善，下次帶多啲屋企人嚟試多次。