The Musicbox Grill House & Bar

營業中

休息中

家姐真係好鍾意聽音樂，而且又鍾意睇Live 表演。所以今次專登搵嚟呢間以音樂為主題嘅餐廳。位於銅鑼灣駱克道 The L Square 8/F 。餐廳設有現場打碟位置，不定時會有DJ 駐場打碟。可惜我們當晚沒有DJ ，唯有埋去影吓相打吓卡。還好當晚餐廳一直播放不同音樂，所以整晚聽著音樂食嘢，氣氛十分不錯。同家姐到達時已經都好肚餓，所以很快已經決定食乜嘢。簡簡單單點咗二人套餐（$628） ，二人套餐有湯、小食、牛扒、意粉，然後仲有甜品及飲品，完全啱哂我哋心水，冇需再多考慮了。餐湯周打蜆湯食到粒粒蜆肉嘅周打湯，夠曬熱，配埋香脆蒜蓉包，味道不錯。前菜小食香蒜牛油煮蜆份蜆有淡淡蒜香及牛油味，最喜歡個汁，連埋蜆肉一起吃十分惹味，好食到不得了。主菜草飼澳洲肉眼牛扒牛扒好重牛味加上香濃炭燒味道，肉質不靱而有咬口。鵝肝松露意大利粉香濃黑松露味道，鵝肝入口並不油膩，配煙韌嘅意粉，又係冇得輸，好食到停唔到口。精選蛋糕今日精選蛋糕係New York cheese cake ，濃郁芝士香味，與咖啡或奶茶完美配搭。