金滬庭京川滬菜館 (已結業)

我同一個朋友星期六(七月七號晚)去將軍澳個間金滬庭度食飯,叫三樣,有兩樣黎o岩,但有一款黎錯了,我地要芝麻大餅,點知黎黑醋排骨(好鬼肥),我地話無叫到,佢地就話無錯到,有錯都係我地寫錯o者,仲叫我地將就,無謂浪費呀,何況芝麻大餅要整成八個字,ok算,我地都無再爭啦!坐了大半個鐘左右,見我地差不多食完,佢地就走黎執啦,呢頭執完就比張單叫埋單,我地話我地無叫埋單o窩,個位亞姐就話梗係攪錯,但係就唔肯走,意即叫我地埋單啦,無所謂啦,心想埋完都可以繼續坐o者,點知呢頭收錢,個頭叫我地搬,因為要徵用我地坐緊張,即係叫我地走啦.呢d係乜服務態度呀,我地前後坐都未夠一粒鐘,埋單就要二百幾,早知去大家樂,又唔駛咁貴又好態度.以後打死都唔會再幫襯呢d咁o既餐廳,奉勸各位去之前三思,費事谷氣.