影片
更多
2019-02-11
583 瀏覽
新年期間火炭好多餐廳都冇開, 所以就走左去禾輋順德經典度飲茶其實年三十都已經黎過, 今次係食過翻尋味再黎點心既選擇都好多蔥油雞, 起初會以為係比個薑蔥你點黎食點知原來係將煮熟既洋蔥放係面洋蔥煮到好入味, 豉油既味道調得岩岩好, 唔會太咸, 仲有少少甜味雞件加埋D洋蔥一齊食, 好味新年期間酒樓都會為D點心改個意頭好D既名, 就好似以下呢個黃金萬兩咁其實就係鮮蝦腐皮卷, 應該因為外形似金條所以改呢個名..新鮮熱辣炸出黎, 裡面有西芹, 蝦肉就少左D, 但勝在新鮮, 唔算太油一向都好鍾意食炸鮮奶, 而炸鮮奶唔係好多地方有得食呢度個炸鮮奶個炸粉稍為厚左少少, 奶香唔太重, 甜度適中呢度既流沙包係我推薦之一, 雖然佢細細個但係個流沙餡做得幾好, 奶黃味好香同埋都食到蛋黃沙蝦餃形狀大細不一, 未至於皮薄餡靚, 但係味道都正常既燒賣就正正常常既味道, 好食既好少地方會用綾魚肉做腸粉, 但呢度就有得食啦, 味道唔錯, 綾魚唔會太腥魚味都好香, 唔會好似食面粉咁另外就係烤肉蒸餃, 起初叫既時候都唔知係咩黎, 用烤肉既蒸餃???原來只係普通蒸餃姐, 但食完都唔知點解叫烤肉, 個味道都唔錯既似係食緊小籠包,
其實年三十都已經黎過, 今次係食過翻尋味再黎
點心既選擇都好多
蔥油雞, 起初會以為係比個薑蔥你點黎食
點知原來係將煮熟既洋蔥放係面
洋蔥煮到好入味, 豉油既味道調得岩岩好, 唔會太咸, 仲有少少甜味
雞件加埋D洋蔥一齊食, 好味
葱油雞
$98
13 瀏覽
0 讚好
0 留言
新年期間酒樓都會為D點心改個意頭好D既名, 就好似以下呢個黃金萬兩咁
其實就係鮮蝦腐皮卷, 應該因為外形似金條所以改呢個名..
新鮮熱辣炸出黎, 裡面有西芹, 蝦肉就少左D, 但勝在新鮮, 唔算太油
黃金萬兩
13 瀏覽
0 讚好
0 留言
一向都好鍾意食炸鮮奶, 而炸鮮奶唔係好多地方有得食
呢度個炸鮮奶個炸粉稍為厚左少少, 奶香唔太重, 甜度適中
大良炸鮮奶
40 瀏覽
0 讚好
0 留言
呢度既流沙包係我推薦之一, 雖然佢細細個
但係個流沙餡做得幾好, 奶黃味好香同埋都食到蛋黃沙
蝦餃形狀大細不一, 未至於皮薄餡靚, 但係味道都正常既
流沙奶皇包/ 原隻鮮蝦餃
9 瀏覽
0 讚好
0 留言
香滑流沙包
13 瀏覽
0 讚好
0 留言
燒賣就正正常常既味道, 好食既
大蝦燒賣皇
11 瀏覽
0 讚好
0 留言
好少地方會用綾魚肉做腸粉, 但呢度就有得食啦, 味道唔錯, 綾魚唔會太腥
魚味都好香, 唔會好似食面粉咁
另外就係烤肉蒸餃, 起初叫既時候都唔知係咩黎, 用烤肉既蒸餃???
原來只係普通蒸餃姐, 但食完都唔知點解叫烤肉, 個味道都唔錯既
似係食緊小籠包, 只係冇左入面既湯汁
順德魚滑腸粉/ 烤肉蒸餃子
17 瀏覽
0 讚好
0 留言
蜆芥綾魚球, 年三十黎果陣都有叫, 但今次上菜既時候就冇蜆芥汁
傳菜姐姐話用哂未翻貨, 其實冇果個汁都ok既, 綾魚球新鮮炸出黎
原本已經好夠味, 而且仲有8粒咁多添, 抵食啦
蜆芥炸綾魚球
$32
16 瀏覽
0 讚好
0 留言
每次飲茶除左點心都會叫個炒飯或者粉面, 而上次食收爐飯食左糯米飯
今次又要試下呢間既糯米飯啦, 一上菜果陣大家都呆左一呆, 青bb既, 好多蔥花係面喎, 仲要個飯白雪雪既
心諗, 死火啦, 係咪中左伏呀
但食落好好味, 個飯雖然白雪雪, 但係好夠味, 加埋腊味都切得好大粒同埋好多
所以凡事真係唔可以睇外表
腊味糯米飯
15 瀏覽
0 讚好
0 留言
除左以上菜式, 另外想推介一下呢度既燒鵝同埋木盆漁家蒸陳村粉
呢2個菜式係年三十果陣叫既, 但可惜上次冇影到相
個燒鵝醃得好好味, 香得黎又唔會太咸, 另外上菜果陣會有蠟燭保溫, 令到d汁入面既油份唔會凝結
個皮燒得脆卜卜. 全枱人都讚不絕口
另外就係陳村粉啦
裡面既材料有蝦乾, 魷魚, 好有漁家風味架, 加埋少少甜豉油食真係好好味
好可惜其他地方既分店已經結業, 得返禾輋呢一間
下次想食就要再黎禾輋啦
張貼
