西貢餐室

營業中

休息中

入西貢游水，之前成日都經過呢度就係冇為意呢一間茶餐廳。聽聞佢啲嘢食唔錯，所以就專登游水之前過嚟食少少嘢先。始終第一次嚟試唔知佢水準如何，佢啲泰國炒粉麵都價錢偏高。但係又想食佢啲炒嘢，所以嗌咗個咖喱炒飯試吓先。等咗一陣個咖喱炒飯就到，新鮮熱辣仲出緊煙都幾期待。但係食落去第一口嘅時候冇咖喱味，再食多一啖都係冇落鹽咁樣，不過個炒飯就差得幾乾身。味道同我想像中嘅咖喱炒飯都有幾大嘅出入。杯齋啡就正正常常。我就覺得可以下次試埋佢個泰式炒粉麵先至知係咪自己對佢期望過高。