豚神 (已結業)

今日去IKEA買野，所以黎左Mega Box。一直好想試Ramen Champion，但係佐敦太唔方便，咁岩見到呢到有，即刻要去試試。係好有日式風味既範圍，入場會俾張卡黎，買拉麵就用呢張卡，食完走之前就拿張卡去俾錢，都幾方便。每一間都好落力叫賣自己有咩特色，行左一個圈先好決定到食邊間。落完單就會俾隻UFO既物體你，可以拎野食UFO就會閃燈，咁就坐到遠都唔怕聽唔到叫號碼啦。我就試左呢間雙份豚肉拉麵因為我好想食肉既關係，見到雙份就即刻叫呢個。因為其他拉麵只係得2、3塊叉燒。真係有唔少豚肉，食極都食唔完，肉夠嫩滑。隻蛋我隻覺得太生，完全唔拎唔起食，只可以係攪爛佢送麵。麵條我覺得太硬，不過都好味過連鎖拉麵店果啲。濃底我略嫌淡左少少，可以濃味啲會更好。環境頗有日本風味，不錯的嘗試。