廚十三老壇酸菜魚 (渣甸街) (已結業)

酸菜魚從風靡香港市民的口味，酸辣酸辣食完都會掛住。今日就黎品嚐一下依間酸菜比魚更好味嘅‘廚十三’。一黎更係上條魚先啦，大盆到嚇親人，其實佢有分量可以選揀，有人數比大家參考，甘就唔晒唔夠食或者食唔晒喇～我地要左小辣同加左4樣配菜：蓮藕、青筍片、寛粉、木耳。魚係桂花魚所以無骨，魚係活魚即劏，切成一片片，入口嫩滑味鮮甜，配埋酸菜一齊食夠晒過癮，酸辣鮮甜美味，一啖接住一啖食唔停口。配菜切得薄保持口感又可以吸到湯汁而入味，寛粉Q彈煙韌吸滿湯汁，食酸菜魚一定唔少得。除左酸菜魚仲有好多涼菜小食，菜名都好特別，要左一個涼菜‘上上籤’同埋小食‘酥炸無臉男’。上上籤裡除左醋酸酸的，仲會麻麻的應該係麻椒，無骨雞爪最入味，口感脆脆的，其他蔬菜都入味爽口好吃。酥炸肉係瘦肉，但咬落鬆軟，外皮酥脆香口，放落酸菜魚浸一浸就會吸滿湯汁，又係另一種風味。再飲返啖酸梅湯中和下又辣又麻的口腔，又可以繼續食鮮味酸菜魚，如果最後黎返碗冰粉就更好。