圓老爺雞煲小廚 (已結業)

無記錯呢個位原先都係做雞煲，無黎一排原來轉左手，見未到繁忙時間都有唔少食客，就決定試下圓老爺既手勢啦餐廳主打川菜，除左雞煲、烤魚，仲有唔少麻辣同濃味既小菜，得閒同三五知己黎飲下酒食下野岩哂店名大大隻字標住雞煲，當然要試下。呢款係最正宗既雞煲風味，簡單既芫荽薑蔥蒜已經充滿風味，鹹香四溢。雞件煮到入哂味，口感嫩而不鞋，刀工值得一讚，由頭食到尾都無食到碎骨紅燒豆腐看似濃味，但食起黎唔會過鹹。外皮薄薄裹住軟嫩既豆腐，索哂汁，食落濕潤香口。牛腩煲好抵食，大大煲，味道偏濃，醬汁惹味十足，用黎送飯岩哂牛筋比牛腩多，呢度既牛筋炆煮得岩岩好，口感軟稔爽口，入口即溶，正呀唔記之得咁多食客一家大細黎食，價錢相廉質素有保證，好過食連鎖酒樓！