影片
更多
2022-12-29
43 瀏覽
早排聽住喺東涌嘅朋友講，佢屋企附近有間隱世大排檔，難得放假就入去行下outlet順便覓食。雖然係隱世，不過都唔係太難搵，巴士站落車行前少少過返對面就係。我哋4個人，叫咗6個餸同3碗飯，食到勁飽😂😂中間仲嗌咗嘢飲，不過係罐裝，冇乜特別就冇影到～麻辣雞煲呢排天氣凍冰冰，乜都未揀就叫咗個麻辣雞煲暖吓身先😂麻辣味好夠，對我啲少食辣人士嚟講就稍為重口味咗少少，但啲朋友一致讚好，我諗鍾意食重口味嘅朋友就啱晒👍🏻咕嚕肉呢味菜係同行朋友每到一間中菜都必叫😂正正常常有穫氣嘅咕嚕肉，個味會係少少偏酸，但因為啱啱炸起，酸尾尾又熱辣辣，超好送飯。欖菜肉鬆四季豆大家想叫個菜懶係健康，不過又唔想齋炒咁dry，呢個正正常常～因為係欖菜所以好夠味送飯。豉汁蒸鱔因為有朋友想食魚，老細就推薦咗呢味豉汁蒸鱔。本人就麻麻哋食魚，怕腥又好怕食到骨😂第一次食鱔，試咗一嚿，又冇乜骨喎🤔同埋豉汁又夠入味，唔腥，都幾好食👍🏻黃金涼瓜作為鹹蛋控，一見到就好想試下黃金類，點啲朋友又話驚熱氣，所以為咗平衡一下，揀咗試苦瓜。以為會有啲怪，點知越食越上癮😂鹹蛋黃炸本身係幾heavy的，但炸苦瓜嘅話食落好神奇，好似有一種熱氣中嘅清新，食完一嚿又一
我哋4個人，叫咗6個餸同3碗飯，食到勁飽😂😂中間仲嗌咗嘢飲，不過係罐裝，冇乜特別就冇影到～
麻辣雞煲
呢排天氣凍冰冰，乜都未揀就叫咗個麻辣雞煲暖吓身先😂麻辣味好夠，對我啲少食辣人士嚟講就稍為重口味咗少少，但啲朋友一致讚好，我諗鍾意食重口味嘅朋友就啱晒👍🏻
咕嚕肉
呢味菜係同行朋友每到一間中菜都必叫😂正正常常有穫氣嘅咕嚕肉，個味會係少少偏酸，但因為啱啱炸起，酸尾尾又熱辣辣，超好送飯。
欖菜肉鬆四季豆
大家想叫個菜懶係健康，不過又唔想齋炒咁dry，呢個正正常常～因為係欖菜所以好夠味送飯。
豉汁蒸鱔
因為有朋友想食魚，老細就推薦咗呢味豉汁蒸鱔。本人就麻麻哋食魚，怕腥又好怕食到骨😂第一次食鱔，試咗一嚿，又冇乜骨喎🤔同埋豉汁又夠入味，唔腥，都幾好食👍🏻
黃金涼瓜
作為鹹蛋控，一見到就好想試下黃金類，點啲朋友又話驚熱氣，所以為咗平衡一下，揀咗試苦瓜。以為會有啲怪，點知越食越上癮😂鹹蛋黃炸本身係幾heavy的，但炸苦瓜嘅話食落好神奇，好似有一種熱氣中嘅清新，食完一嚿又一嚿🤣🤣
燒鵝例牌
最後就係成餐飯嘅重頭戲！呢碟燒鵝一上枱全部人都嘩咗一聲，隻鵝好似搽咗油咁超級閃令令，熱辣辣，食落啲油香味真係勁正，最估唔到係有脾食，呢個價錢嚟講好抵食啊！
張貼
